Chega o Desfile do Comercio de Vilalba, unha cita para descubrir todo o que o noso comercio local ten preparado para esta tempada de outono-inverno.
Moda, tendencias e novidades, pero tamén música, baile e dinamización para gozar dunha tarde diferente e celebrar xuntos a forza do comercio de proximidade.
E ademais, durante o desfile celebraremos os dous sorteos da campaña Volta ao Cole. Coñeceremos tamén o número total de participacións recollidas e o importe que a Asociación destinará á compra de material no Centro Ocupacional de Vilalba, que se repartirá na nosa campaña de Nadal.
Lembra: 17 de outubro, ás sete da tarde, No auditorio Carmen Estevez. Desfile do Comercio de Vilalba.
Unha iniciativa da Asociación de Empresarios de Vilalba, coa colaboración da Xunta de Galicia, Comercio Galego e o Concello de Vilalba.
Vémonos no desfile! Grazas por apoiar o comercio local de Vilalba.