Programa (sen descanso):

 Anthony Randall (n. 1930)

Do not go gentle into that good night (2000)

 Fernando Buide (n. 1980)

Nao de sangue (2023)

 Anthony Randall

Three poems (2010)

I. Let me not see old age

II. A joy too deep for words to say

III. Your peace is bought with mine

Notas ao programa:

O Trío Preseli naceu coa misión de promover a música para unha formación

de cámara tan pouco habitual como é a composta por soprano, trompa e

piano, e tender pontes entre as culturas galega e galesa, tanto a través da

interpretación de obras do repertorio tradicional como da inspiración de

pezas de nova creación.

Formado pola soprano María Hinojosa Montenegro, o pianista Daniel

Pereira e o trompista Simon Lewis, estes músicos son solistas e especialistas

nos repertorios de música de cámara e orquestra, e xuntos acaban de gravar,

precisamente neste Auditorio Carmen Estévez, un cd coas pezas que se

escoitarán no concerto de hoxe.

O Trío Preseli realizou a estrea absoluta en España das dúas pezas do

compositor galés Anthony Randall incluidas no programa desta tarde, así

como a estrea mundial de Nao de sangue de Fernando Buide, nas Xornadas

de Música Contemporánea 2023 do Auditorio de Galicia en Santiago de

Compostela o pasado mes de xuño.

O compositor galés Anthony Randall, cuxo traballo aportou obras de gran

beleza e sentimento ao repertorio desta agrupación, compuxo Do Not Go

Gentle Into That Good Night sobre o poema homónimo de Dylan Thomas,

que é unha obra mestra da lingua inglesa, traducida a varios idiomas e

coñecida mundialmente, e está inspirada na morte do seu pai. Nao de sangue

é un encargo do Trío Preseli ao compositor compostelán Fernando Buide

sobre un texto do polifacético Valentín Paz Andrade, e que foi escrita nos

primeiros meses deste ano. Por último, Three Poems, tamén de Anthony

Randall, están compostos sobre versos de Geraint Jones, é unha obra rodeada

de traxedia con sobrecolledores poemas de perda e anhelo escritos meses

antes da prematura morte do escritor en Normandía.