Presentación de Contrapunto, o novo traballo de Tanxugueiras

Voces, pandeiretas e luz na súa versión máis ousada. O esencial da música tradicional sobre o escenario cunha potencia que só acadan Tanxugueiras. En directo, Olaia Maneiro, Sabela Maneiro e Aida Tarrío, acompañadas das percusións de Isaac Palacín (Berrogüeto, Guadi Galego), conectan co público a través da súa naturalidade e enerxía. A interpretación ao vivo dos novos temas gaña agora en presencia e teatralidade para dar forza ao relato que transmiten as súas letras. E fano sen perder esa ledicia contaxiosa pola que as recoñece o público.

Tanxugueiras son:

• Sabela Maneiro, voz e pandeireta
• Olaia Maneiro, voz e pandeireta
• Aida Tarrío, voz e pandeireta
• Isaac Palacín, percusións