Unha proposta única, xenuína e aloucada con 12 músicos e bailaríns de diferentes procedencias: Cuba, Honduras, Arxentina e España para bailar ao ritmo frenético dos anos 30.

A orquestra presenta o espectáculo “Paseando el Swing”, no que realiza un percorrido pola época dourada deste xénero musical interpretando arranxos das grandes formacións de Glenn Miller, Benny Goodman, Louis Prima, Fletcher Henderson, Artie Shaw... e diferentes adaptacións realizadas para esta orquestra única en Europa. A formación consta de 5 violíns, 2 violas, 2 violonchelos, contrabaixo, batería e baile claqué.