A Banda de Música de Vilalba presenta un concerto extraordinario fóra da súa programación habitual. Farano acompañados da Aula de Canto do Conservatorio Profesional "Xoán Montes" de Lugo e de Sabela Cornide (clarinete) e Zaira Goás (saxofón), dúas das gañadoras do Concurso de Solistas do Conservatorio Profesional de Vilalba. Un programa que vai desde a tradición sinfónico-coral ata o século XX francés e desde a música de cámara ata un dos grandes cumios do repertorio bandístico.