“Degustación de imposibles” é un espectáculo para todos os públicos creado polo ilusionista guiri-galego Joshua Kenneth. Nesta proposta, o artista comparte pequenos xogos e momentos de ilusión que xorden de elementos sinxelos e fermosos.
Durante 60 minutos, o público goza dun encontro cercano , con humor e curiosidades. Unha experiencia participativa e acolledora que invita a deixarse sorprender polo cotiá e a descubrir que, ás veces, o imposible está máis preto do que pensamos. Atréveste a entrar?