O Instituto de Estudos Chairegos (IESCHA), en colaboración coa Academia Galega do Audiovisual, coa Área de Cultura-Vicepresidencia da Deputación de Lugo e co Concello de Vilalba, organiza a proxección da película documental Emoción, vida e teatro. A Nave das Marías, de Saamira Ganay e Cris Andina, continuando así co CICLO MESTRE MATEO que durante o último trimestre do presente ano 2024 brindaranos a oportunidade de poder disfrutar das películas finalistas (documentais, longametraxes e curtas) dos XXII PREMIOS MESTRE MATEO.

Esta quinta proxección terá lugar no Auditorio Municipal de Vilalba o DOMINGO 10 DE NOVEMBRO DE 2024, ás 20:00 horas.

SINOPSE

Este documental fala da importancia do teatro como ferramenta de intervención social. As persoas implicadas no proceso de creación da peza teatral “A Nave das Marías” contan en primeira persoa como as clases de teatro e o proceso creativo influiron nese momento das súas vidas, deixando testimonio de como o teatro pode ser unha ferramenta sorprendente e efectiva, porque pode cambiar ás persoas e pode cambiar as vidas.

“A Nave das Marías” foi unha peza teatral creada dentro dun programa da ONG Ecos do Sur para facilitar espazos de participación e visibilización para mulleres migrantes impulsando procesos de sensibilización social en cuestión de xénero.

FICHA TÉCNICA

● Productora: Ecos do Sur ONG

● Dirección: Saamira Ganay e Cris Andina

● Montaxe: Cris Andina e Saamira Ganay

● Realización, iluminación, son e edición: Cris Andina

● Voz en Off: Nerea González

● Música: Mojo Productions

● Gravacións Timelapse: Envato Elements

● Interveñen: Gladys Judith Orosco Sobrado, Daniela Santamaría Castro, Hortensia Rossi Decena, Sandra Magela, Moreira Freccero, Gladys María García Carbajal, Norma Quispe Zenteno, Johana Patricia Senior Fabregas, Rita Cabello, Nerea González López, Saamira Ganay

● Calificación por idades: Non recomendada a menores de 12

CANDIDATURAS XXII PREMIOS MESTRE MATEO

• Finalista: Mellor documental