Microspectivas dun Marica Millennial é un espectáculo de danza que nace das conversas con Luis e Martín. Nace da intimidade compartida. Desa intimidade máis persoal: A INFANCIA.

O concepto base do proxecto é a memoria. Unha lembranza que reaparece cando Luís e Martín falan das fotografías de cando eran pequenos. Nace da necesidade de atopar as accións, os movementos, a poesía e a música que ferven na memoria máis física da infancia marica.

Microspectivas dun Marica Millenial é un espectáculo íntimo e cargado de poesía desde o que cuestionar as certezas impostas que predestinan a construción da identidade.

A partir da música e das artes do movemento, ofrece un espazo de trance no que redescubrir as raíces e refundar o presente.